monumenta.ch > Ambrosius > 17 > bnf8562.25 > 35 > sectio 699 > 15 > sectio 9 > sectio 1 > sectio 12 > Ioannes, 19 > bnf6331.2 > sectio 820 > csg95.211 > CAPUT XI. Quid sit diapsalma. > REGES ROMANI. > sectio 3 > sectio 21 > sectio 354 > Apocalypsis, 21 > bnf2607.55 > bnf6726.20 > sectio 787 > bkeCod.21.5v > sectio 442 > sectio 330 > bnf6383.33 > 10 > sectio 26 > sectio 121 > sectio 19 > CAPUT XV. De eloquentia totius legis divinae. > 7 > 18 > bnf8631.27 > bnf9389.425 > uwbM.p.th.f.68.313 > bnf16234.65 r > sectio 15 > sectio 19 > 59 > bnf12590.32 > 55 > bnf8562.48 > bnf5129.109 > bnf7900.22 > sectio 203 > sectio 41 > bnf12590.55 > bnfGrec107.965 > sectio 30 > bnf4876.119 > bnf7240.50 > 40 > sectio 43 > sectio 151 > bnf2607.101 > uwbM.p.th.q.1a.280 > bkeCod.20.101v > 81 > Psalmi, 111 > sectio 444 > csg75.149 > 9 > bnf10439.201 v > bnf12590.264 > bnf10439.251 v > sectio 13 > sectio 483 > bnf13367.241 > bnf8562.10 > bnf10439.155 r > sectio 34 > PRAEFATIO. > sectio 50 > bnf8562.77 > sectio 392 > bnf8562.54 > bnf2607.148 > sectio 33 > sectio 260 > bnf5129.109 > csg75.839 > 50 > sectio 44 > sectio 8 > sectio 463 > sluMscr.Dresd.A.145.b.96 > sectio 6 > bnf8562.49 > bnf5129.108 > bnf18428.94 > bnf7900.55 > sectio 325 > sectio 28 > Actus, 1 > sectio 558 > bnf7900.32 > sectio 582 > sectio 14 > sectio 586 > bnf12590.25 > sectio 841 > 73 > bnf2607.31 > Genesis, 49 > bnf2607.18 > sectio 39 > sectio 750 > sectio 1 > sectio 9 > bnf16234.102 v > bnf8562.20 > sectio 10 > bnf12590.64 > sectio 1 > bnf10439.260 v > sectio 21 > bnf8562.73 > sectio 4 > sectio 38 > sectio 185 > sectio 187 > bnf2607.101 > sectio > bnf2607.73 > sectio 264 > sectio 791 > Psalmi, 34 > sectio 838 > bnf6286.45 > 20 > sectio 422 > sectio 17 > 14 > sectio 9

Word Selection for Searching

Report an Error in this Sectio
Gregorius Magnus, Homiliae in Evangelia, 2, 25, 9
Hinc est etiam quod haec ipsa de qua loquimur Maria vivit, quia ille pro humano genere qui morti nihil debebat occubuit. Hinc est quod nos quotidie ad vitam post culpas revertimur, quia ad poenam nostram conditor sine culpa descendit. Ecce iam antiquus hostis ea quae de humano genere coeperat spotia amisit, supplantationis suae victoriam perdidit. Quotidie peccatores ad vitam redeunt, quotidie de eius faucibus Redemptoris manu rapiuntur. Unde bene quoque ad beatum Iob voce dominica iterum dicitur: Aut armilla perforabis maxillam eius ? Armilla ubi ponitur, ambiendo constringit. Quid ergo per armillam, nisi circumplectens nos divina misericordia designatur? Quae Leviathan istius maxillam perforat, dum nobis post perpetrata quae prohibuit, adhuc poenitentiae remedium ostendit. Armilla Dominus maxillam Leviathan perforat, quia ipse ineffabili misericordiae suae potentia sic malitiae antiqui hostis obviat, ut aliquando eos etiam quos iam coepit amittat. Et quasi ab ore illius cadunt, qui post perpetratas culpas ad innocentiam redeunt. Quis enim ore illius semel raptus, maxillam eius evaderet, si perforata non esset? An non in ore Petrum tenuit, cum negavit ? An non in ore David tenuit, cum in tantam se luxuriae voraginem mersit ? Sed dum ad vitam uterque per poenitentiam rediit, Leviathan iste eos aliquo modo quasi per maxillae suae foramen amisit. Per foramen ergo maxillae ab eius ore subtracti sunt, qui post perpetrationem tantae nequitiae poenitendo redierunt. Quis autem hominum Leviathan istius os evadat, ut illicita nulla committat? Sed hinc cognoscimus, quantum Redemptori humani generis debitores sumus, qui non solum nos in ore Leviathan ire prohibuit, sed ab ore etiam eius redire concessit. Qui spem peccatori non abstulit, quia maxillam eius, ut evadendi viam tribueret, perforavit, ut saltem post morsum fugiat, qui incautus prius cavere noluit ne morderetur. Ubique ergo nobis occurrit superna medicina, quia et dedit homini praecepta, ne peccet, et tamen peccanti dedit remedia, ne desperet. Unde cavendum summopere est ne quis delectatione peccati Leviathan istius ore rapiatur; et tamen si raptus fuerit, non desperet, quia si peccatum perfecte lugeat, adhuc foramen in maxilla eius invenit, per quod evadat.